U kthye pas 17 vitesh nga Lufta e Kosovës, “humbi apo u largua vetë” Sejdi Thaçi?!

Sejdi THacci

Marrë nga Gazeta Express

Janari ’99 ishte i ethshëm në Kosovë.

Viti përpara tij qe masakër.

Forcat para-militare serbe vazhdonin të kërkonin anëtarët, por dhe këdo që ndihmonte UÇK-ën.

Vjet familjet Ahmeti, Jashari dhe Delijaj qenë bërë shosh plumbash teksa militarët patën vrarë barbarisht më shumë se 120 persona.

Pikërisht javën e parë të këtij viti, në Klinë, një burrë, i cili nuk u martua kurrë, rendi pas pensionit të tij.

Më 6 janar, fati i disa dokumentave e çoi atë në Beograd, atje ku kishte punuar për më shumë se 30 vite pas Luftës së Dytë Botërore.

Asokohe Sejdi Thaçi ishte 63-vjeç dhe me shumë gjasa shpresonte, që të mund ta gëzonte pensionin në një Kosovë të paqtë.

Një javë pasi ai shkoi në Beograd, në Reçak para-militarët vranë 45 persona dhe javën që e ndoqi, në Rugovë 24 të tjerë.

Masakrat do vazhdonin e vazhdonin…

Ishte luftë! S’merrej vesht asgjë! S’kishte mjete të sofistikuara komunikimi dhe Thaçi s’kishte as para…

Deri majin e atij viti në Kosovë masakrat dhe varret masive të para-militarëve do u merrnin jetën të paktën 1 300 të pafajshmëve.

Teksa Thaçi mbeti mes katër rrugëve të Beogradit, qindra mijëra njerëz kishin nisur të shpërnguleshin nga Kosova e mijëra të tjerë kishin humbur.

Të kthehej në shtëpi?

Mundej vallë?!

A do ishin gjallë të afërmit e tij?! Po sikur edhe ata të ishin vrarë?! Ku do kthehej?!

Këto mund të kenë qenë disa nga mendimet që e kanë përndjekur Thaçin… për 17 vjet rrugëve të Beogradit deri sa ai i rikthehet Klinës.

I rrënuar. Trokë dhe tashmë 80-vjeçar…

Brenga se do trazojë dhe do jetë peshë – jo për fëmijët që nuk pati kurrë, por për nipat e tij – e kanë sëmurur aq sa të harrojë çdo gjë ç’i ngjau këto vite.

Historia e Sejdi Thaçit, që bëri bujë këtë javë, është një histori rrëqethëse e një të humburi që Lufta e Kosovës i mori jetën.

Kushdo që thotë të kundërtën, pastë fatin e tij dhe të 1 665 të tjerëve që vajtohen ende si të humbur nga një Luftë, të cilën Kosova dhe shqiptarët s’duhet ta harrojnë kurrë!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s